Memar Ditrix Kornelius Tissen

O, 1870-ci il dekabrın 27-də Almaniyanın Ukraynanın Xortitsa koloniyasında anadan olub. Memarlıq təhsilini Hildburqhauzen və Drezden şəhərlərində almışdır. 1897-ci ildə memar Rusiyaya işləməyə gəldi. 1934-cü ildə Tissen ailəsi ilə birlikdə Bakıya köçür. «Aznefteproekt» Layihə İnstitutunda memar işləməyə başlayıb. Qızı Elza da orada rəssam işləyirdi. Ditrix Tissen Bakıda olarkən Bakı Lüteran Kilsəsinin Kilsə Şurasının fəal üzvü oldu. 1937-ci il iyulun 27-də «SSRİ-yə qarşı düşmənçilik siyasəti aparan xarici dövlətin kəşfiyyat orqanlarının göstərişi ilə əksinqilabi iş apardığına görə» həbs edilir. 1937-ci il sentyabrın 16-da «Lüteran icması adı altında fəaliyyət göstərən faşist casusluq təşkilatının üzvü» kimi memar Ditrix Tissen güllələndi. 23 avqust 1960-cı ildə cinayət tərkibi olmadığı üçün SSRİ hökuməti tərəfindən ölümündən sonra reabilitasiya edilib.