Leo Martin de Burun yaşayış binası
Azərbaycan Dövlət İncəsənət Muzeyinin binası (Lev Martin de Bur Sarayı).
Malikənanın tikintisi ilə bağlı işlər 1889-cu ildə başladı. Layihənin müəllifi alman memarı Nikolay August von der Nonne (16.06.1835 – 13.08.1908) olmuşdur.
Lakin 1889-cu il avqustun 12-də, 49 yaşında tikilməkdə olan binanın sahibi Lev Martin de Bur vəfat edir. Milyonçunun ailəsi evi «Xəzər Tərəfdaşlığı»nın rəhbəri Pavel Osipoviç Qukasova satdı. Bununla əlaqədar olaraq, memar Nikolay August von der Nonne layihədə bəzi dəyişikliklər etməli oldu. Buna görə də evin orijinal layihəsi dəyişdirildi: ön hissədə bir əvəzinə eyvanlı iki əsas giriş tikildi.
Sadovaya (indiki Niyazi) küçəsindəki «Xəzər Tərəfdaşlığı»nin evi nəhayət 1895-ci ilə qədər tikilib. Binanın üzərində «KT» (rusca «Xəzər Tərəfdaşlığı») hərfləri olan medalyon var idi, sonralar 1930-cu illərdə təmir zamanı dağıdılmışdır.
1918-1919-cu illərdə binada general Uilyam Tomsonun rəhbərlik etdiyi Britaniya Komandanlığının Qərargahı yerləşirdi.
1918-ci il mayın 28-də Azərbaycan Xalq Cümhuriyyəti elan edildi. Bu malikanədə Azərbaycan Xalq Cümhuriyyətinin Xarici İşlər Nazirliyi yerləşirdi.
1921-ci ildə Azərbaycanda sovet hakimiyyəti qurulduqdan bir il sonra Azərbaycan Xalq Komissarları Soveti (hökuməti) «Xəzər Tərəfdaşlığının» binasında yerləşirdi.
1951-ci ildə bina Azərbaycan İncəsənət Muzeyinə verilmişdir.