Memar Karl Qustav Gippius

Məşhur alman memarı Otto Qustav Gippiusun kiçik qardaşı olan memar Karl Qustav Gippius portret rəssamı və litoqraf Qustav Adolf Fomiç Gippiusun ailəsində anadan olub. Karl Qustav Gippius 1855-ci ildə Sankt-Peterburq Rəssamlıq Akademiyasını bitirib. 1857-ci ildən Karl Qustav Gippius Transxəzər Ticarət Cəmiyyətində memar və rəssam idi. 1859-cu ildə Karl Gippius Şamaxı şəhərində baş vermiş zəlzələdən sonra quberniya mərkəzinin Şamaxıdan Bakıya köçürülməsi üçün əsas olan tədqiqatlar aparmışdır. Bakıdakı bu iş sayəsində o, əyalət və şəhər memarı vəzifəsini alır. Karl Qustav Gippius Bakının abadlaşdırılması üçün çox işlər görüb: o, küçələri və meydanları məskunlaşdırdı, daş bənd çəkdirdi və onun üzərində Qubernator Evi, Əsilzadələr Məclisinin binası, bir neçə fərdi ev, Bakı Erməni Kilsəsinin binası ucaltdı. Şəhər həbsxanasına çevirmək istədikləri Şirvanşahlar Sarayı kompleksinin toxunulmazlığını müdafiə edən alman memarı sayəsində bu gün biz bu gözəl memarlıq abidəsinə heyranıq. Memar Karl Qustav Gippius 22 avqust 1880-ci ildə vəfat etmişdir.