Memar Leopold Bielfeld

1838-ci ildə Hannoverdə (Almaniya) anadan olub. Memarlıq təhsilini Almaniya və Danimarkada almış, 1867-ci ildə Peterburqda bitirmişdir. 1868-ci ildə Leopold Bielfeld Cənubi Qafqaza gəlir. Memarın işlərinin böyük hissəsi Tbilisidə yerləşir, burada onun layihələri üzrə bir çox ictimai binalar və yaşayış binaları tikilmişdir. Leopold Bielfeld həm də XIX əsrin sonu və XX əsrin əvvəllərində Qafqazın və Rusiya imperiyasının sənaye mərkəzi olan Azərbaycanda və Bakıda bir sıra müqəddəs tikililərin müəllifi olub. Təəssüf ki, kommunist hakimiyyəti dövründə demək olar ki, hamısı məhv edildi. Memar Leopold Bielfeld 1921-ci ildə Tiflisdə vəfat etmişdir.