Memar Otto Qustav Gippius

1826-cı il mayın 5-də Rusiya İmperiyasının Sankt-Peterburq şəhərində portret rəssamı və litoqraf Qustav Adolf Fomiç Gippiusun ailəsində anadan olub. Ottonun kiçik qardaşı Karl Qustav Gippius da memar idi. Otto Gippius Sankt-Peterburq gimnaziyasında və Karlsruedəki Politexnik İnstitutunda təhsil alıb və onu 1849-cu ildə qızıl medalla bitirib. 1853-cü ildə memarlıq rəsmlərinə görə azad memar adını aldı. Qafqaza qardaş Karlın yanına gələn Otto Gippius, Şamaxıda (1868-1869) protestant kilsəsi üçün layihələr hazırladı. O, həm də Bakı şəhərindəki pravoslav qəbiristanlıq kilsəsinin (1871-1872) müəllifidir. 1875-1880-ci illərdə memar Azərbaycan, Türkiyə, Yunanıstan və İtaliyada çoxlu səyahətlər etmiş, burada çoxlu eskizlər və planlar hazırlamışdır. Memar Otto Qustav Gippius 29 avqust 1883-cü ildə vəfat etmişdir.